TikTok iu përgjigj me shpejtësi një paralajmërimi nga BE pas konfliktit të fundit që përfshin Hamasin dhe Izraelin. BE-ja i kërkoi CEO të TikTok, Shou Zi Chew, të rrisë përpjekjet në përputhje me ligjin evropian brenda 24 orëve. Dezinformimi dhe përmbajtja e përpunuar në lidhje me konfliktin ishin rritur në platformat e mediave sociale.
Në përgjigje, TikTok deklaroi se kishte ndërmarrë veprime të menjëhershme duke hequr përmbajtjen dhunuese. Kompania theksoi angazhimin e saj për të mbrojtur përdoruesit, veçanërisht fëmijët dhe adoleshentët, nga përmbajtjet e dhunshme, ekstremiste dhe potencialisht të dëmshme. TikTok zbuloi gjithashtu hapat e ndërmarrë për të luftuar dezinformimin, duke përfshirë krijimin e një qendre komandimi, sisteme të përmirësuara të zbulimit të përmbajtjes që operojne ne gjuhen arabisht dhe hebraisht.
BE-ja kishte lëshuar paralajmërime të ngjashme për gjigantët e tjerë të mediave sociale,
duke përfshirë X (ish Twitter), YouTube dhe Meta, me një afat 24-orësh për të adresuar çështjet e dezinformimit.
Burimi i lajmit: https://www.bbc.com/news/technology-67115982
Burimi i fotos: Photo by cottonbro studio: https://www.pexels.com/photo/person-holding-black-android-smartphone-5081930/
