Pas një pritjeje të gjatë dhe shumë zhurmë në rrjetet sociale, PINT vjen më në fund me projektin e tyre më të ri: albumin “Salihi x Ferizi”, që do të publikohet zyrtarisht më 18 maj 2025 në të gjitha platformat digjitale.
Ky album përfaqëson një kapitull të ri për grupin, duke sjellë një bashkëpunim të fuqishëm të artistëve dhe stileve, me dy versione të përfshira: Radio Edit (i përshtatshëm për transmetim publik) dhe Explicit (pa censurë, për dëgjuesit që duan përjetimin e plotë të energjisë PINT).
Në “Salihi x Ferizi” Mc Kresha dhe Lyrical Son nuk kane hezituar te perfshijne edhe emrat me in te momentit si Elai, Ledri Vula, Shpat Deda , artisti i njohur me origjine gjermane Nimo, OG Merks, Geasy, Nuke , La Fazani dhe Lluni.
Dhe padyshim, kënga me Dhurata Doren “Fllad i verës”, që tashmë është një hit i dëgjuar nëpër klube dhe rrjete sociale, do të jetë pjesë e këtij albumi si një nga pikat kulmore.
Në këtë album, si gjithmonë, brenda radhëve të producentëve gjenden emra të njohur si Pressplay, K-Master, Usual Suspects, CRICKET,Strike Beatz dhe Choisez. Albumi është prodhuar dhe regjistruar në studiot e PINT në Prishtinë, ndërsa për mix & master është përkujdesur shtëpia muzikore Pressplay nga Mannheim, Gjermani.
Me këtë projekt, PINT e rikonfirmon veten si një nga kolektivet më origjinale, eksperimentale dhe të guximshme të muzikës urbane shqiptare.
Tracklista e albumit eshte si me poshte:
1.Ghetto Rapsody ft LLuni
2.Fllad i Verës ft Dhurata Dora
3.El Clasico
4.Dy Fjalë
5.Hooligan Swag ft Nuke
6.Djathi i Zvicrrës
7.Me kon po shihesh
8.Baba ft Ledri Vula
9.Balerina Ft Elai
10.Letra e Gjakosun’ Ft Nimo & OG Merks
11.Loco ft La Fazani
12.Jetë e Hollywood-it
13.Pretty Gal’ ft Geasy
14.Oj Hanë by Muharrem Qena ft. Shpat Deda
15.Deh’ me ndjenja
