Ditën e djeshme, Artan Dulaku, CEO i Concord Investment, mori pjesë në një forum të organizuar nga Universiteti Polis, ku diskutoi rreth zhvillimit të Edil AL dhe ndikimit të tij në industrinë shqiptare të ndërtimit. Në forum ishin të pranishëm rreth 100 studentë dhe pedagogë, të cilët jo vetëm ndoqën prezatimin por shkëmbyen edhe ide me të ftuarin.
Një nga temat kryesore ishte roli i Edil AL në sektorin e ndërtimit. Duke folur për suksesin e kompanisë, Artan Dulaku u shpreh se vizioni për të qenë të parët ka qenë motorri kryesor i zhvillimit të kompanisë, për të kaluar nga tregëtia tek ndërtimet industrial dhe projektet hospitality.
“Ne gjithmonë kemi kërkuar të jemi një hap përpara. Nga tregtia, kaluam te ndërtimet industriale, dhe më pas te projektet për hospitality. Kjo qasje strategjike na ka mundësuar të zhvillojmë projekte komplekse dhe të avancuara”, u shpreh Artan Dulaku para studentëve.
Rrugëtimi Drejt Inovacionit
Artan Dulaku ndau vizionin e tij për zhvillimin urban dhe rëndësinë e planifikimit të mirëfilltë. “Ndërtimi është një proces që kërkon qasje afatgjatë dhe përgjegjësi. Synimi ynë është të krijojmë projekte që jo vetëm përmirësojnë peizazhin urban, por edhe ndihmojnë në përmirësimin e cilësisë së jetesës,” theksoi ai.
Bashkëpunimi me Gjeneratat e Reja
Në përfundim të forumit, Dulaku inkurajoi studentët e Universitetit Polis të bashkëpunojnë në projekte të ardhshme të Concord Investment dhe Edil AL. Ai theksoi rëndësinë e ideve të reja dhe angazhimit të talenteve të reja në sektorin e ndërtimit duke qenë kështu promotor i të rinjve në tregun e punës .
Rritja e Edil AL përfaqëson një model të zhvillimit të suksesshëm, duke treguar se si planifikimi strategjik dhe qasja inovative mund të transformojnë një kompani në një lider të industrisë.