Jennifer Lopez ka adresuar së fundmi thashethemet për problemet me Ben Affleck. Në faqen e saj zyrtare “On the JLo”, Lopez falënderoi admiruesit e saj për suksesin e filmit “Atlas”, i cili është përsëri në vendin e parë globalisht. Ajo shprehu mirënjohjen e saj për mbështetjen e fansave dhe inkurajoi njerëzit të mos i japin rëndësi negativitetit.
Sipas burimeve për “People”, Jennifer dhe Ben ende jetojnë të ndarë: ajo në Beverly Hills dhe Affleck në një shtëpi me qira pranë saj. Jennifer ka anuluar turneun e saj muzikor dhe ka falënderuar fansat në një mesazh virtual. Thashethemet për ndarjen e tyre nisën kur Jennifer u shfaq e vetme në Met Gala 2024 dhe në festimet për “Memorial Day”.
Jennifer mund të humbasë një koncert me vlerë pothuajse 100 milionë dollarë pasi albumi dhe turneu i saj nuk kanë patur suksesin e pritur, duke vënë në pikëpyetje marrëveshjen e saj në Las Vegas. Sipas një burimi për “The New York Post”, albumi “This is Me… Now” nuk arriti objektivat, duke bërë që 7 koncerte të saj të anulohen për verën e 2024-ës. Ndërsa fillimisht pritej të fitonte 90 milionë dollarë, kjo shifër tani mund të ulet në 45 milionë dollarë për shfaqjet e saj, duke treguar një rënie të konsiderueshme në vlerësimin nga promotorët.
Burimi i artikullit: https://pagesix.com/2024/06/05/entertainment/jennifer-lopez-addresses-negativity-amid-ben-affleck-split-rumors/
Burimi i fotos: https://www.instagram.com/p/C6mVEtPuHHf/?img_index=1