Shqipëria do të nisë rrugëtimin e saj në Kampionatin Europian më 15 qershor 2024, ku do të përballet me kampionët aktualë të Europës, Italinë. Ndeshja do të zhvillohet në orën 21:00, në stadiumin “BVB Stadion Dortmund”. Më 19 qershor 2024, kuqezinjtë do të luajnë ndeshjen e tyre të dytë në Europian kundër Kroacisë, duke filluar nga ora 15:00, në stadiumin “Volksparkstadion Hamburg”. Ndeshja e fundit në Grupin B do të jetë ndaj Spanjës më 24 qershor 2024, në stadiumin “Dusseldorf Arena”, në orën 21:00.
Para pak ditësh, është publikuar kënga zyrtare e Kombëtares së Shqipërisë për Euro 2024, e titulluar “Albania” nga Capital T. Kjo këngë do të shoqërojë skuadrën gjatë aventurës së tyre në kampionatin Europian ‘Gjermani 2024’. Futbollistët e Kombëtares kanë reaguar pozitivisht kur e kanë dëgjuar këngën për herë të parë, dhe nga shprehitë e fytyrës së tyre duket se u ka pëlqyer menjëherë.
Burimi i artikullit: https://www.instagram.com/reel/C8CEHtJMgou/?utm_source=ig_embed&ig_rid=db421f03-333b-4d05-9ce3-dbab2c353af7
Burimi i fotos: https://www.instagram.com/p/C7xCxsSifbd/?img_index=2