Reperi i njohur Rigels Rajku, i njohur ndryshe si Noizy, është shpallur në kërkim nga Policia e Kosovës për një incident që ndodhi në një diskotekë në Pejë. Ka dyshime se ai ndodhet aktualisht brenda Kosovës dhe ka përformuar në një klub në Prishtinë.
Policia ka bërë kërkime te DJ-i personal i reperit në lagjen “Dragodan”, por sipas informacionit të pa konfirmuar, i është lënë një ftesë Noizyt për t’u paraqitur në stacionin policor, ndërkohë që ai nuk është paraqitur.
Një tjetër diskotekë ka njoftuar se Noizy do të performojë aty sonte, pavarësisht që autoritetet po e ndjekin atë. Diskoteka “Stop” në Gjilan ka njoftuar se Noizy do të mbajë një koncert të hënën.
Operacioni për gjetjen e Noizyt po realizohet me urdhër të prokurorisë në Pejë. Policia e Kosovës ka lëshuar një fletarrest ndaj reperit, pasi ai nuk është paraqitur për intervistë pas ftesës nga institucionet. Shkodran Nikçi, zëdhënës i prokurorisë në Pejë, ka bërë apel për këngëtarin që të paraqitet tek organet kompetente.
Burimi i artikullit: https://www.instagram.com/stopclubgjilan/
Burimi i fotos: https://www.instagram.com/p/CAoHdkEp7v2/?img_index=1