Në Nju Jork, gjatë periudhës nga e Diela deri të Premten këtë javë, nuk pati viktima nga të shtënat, tha policia në mediat sociale. Katër minuta pas publikimit të këtij postimi, seria u ndërpre.
“Kjo është periudha më e gjatë pa viktima nga të shtënat që nga fillimi i epokës së CompStat,” tha Departamenti i Policisë së Nju Jorkut në X, duke iu referuar sistemit kompjuterik të policisë të krijuar në vitin 1994.
Forca e policisë tha se kjo ka qenë për shkak të “punës së guximshme që bëjnë anëtarët e NYPD çdo ditë.”
Por, vetëm katër minuta pas publikimit të këtij postimi, seria u ndërpre kur një burrë 34-vjeçar u qëllua disa herë në Brooklyn, raportoi New York Post.
Viktima u dërgua në spital në gjendje stabile, tha policia.
Policia në qytetin e Nju Jorkut ka përqendruar gjithnjë e më shumë vëmendjen ndaj kriminelëve që përdorin armë të paligjshme, të cilat autoritetet thonë se kanë çuar në “rënien e ndjeshme” të numrit të incidenteve me të shtënat.
“Me anë të policimit të saktë, veçanërisht sa i përket dhunës me armë, po shpëtohen jetë çdo ditë në Nju Jork,” tha komisionerja e policisë, Jessica S. Tisch, më herët këtë muaj.