Në rrjetet sociale po qarkullon një foto që ka prekur zemrat e mijëra njerëzve anembanë botës. Ajo tregon një baba, punëtor në shtyllat e tensionit të lartë, i cili mban në shpinë një palë “krahë engjëlli” ndërsa është në punë.
Por pas kësaj pamjeje të pazakontë fshihet një histori e thellë dashurie dhe kujdesi familjar. Një nga bashkëpunëtorët e tij ka treguar se vajza e këtij babai, pasi mësoi se çfarë pune të rrezikshme bënte i ati, vendosi t’i bënte vetë disa krahë prej letre e materiali dekorativ. Ajo i tha babait se me këta krahë do të ishte gjithmonë i mbrojtur dhe i sigurt. Prej asaj dite, plot tre muaj më parë, babai nuk ka shkuar asnjëherë në punë pa i marrë me vete.
Fotografia është kthyer në simbol të dashurisë së pastër të fëmijëve ndaj prindërve dhe sakrificave që bëjnë prindërit për familjen. Shumë përdorues të rrjeteve sociale e kanë quajtur këtë baba “njeriun më të pasur në botë”, jo për paratë apo pasurinë, por për dashurinë e pafundme që ka nga vajza e tij.
Kjo histori na kujton se ndonjëherë gjërat më të thjeshta, si një palë krahë prej kartoni, kanë fuqinë më të madhe për të dhënë kurajo dhe për të bërë ndryshimin më të madh.