Einxhel Shkira dhe DJ Dagz, të cilët u bënë të njohur për publikun përmes pjesëmarrjes së tyre në edicionin e parë të “Big Brother VIP”, janë prindër të një djali të quajtur Trev. Disa kohë më parë, Einxhel pranoi një propozim për martesë nga partneri i saj, por çifti ende nuk ka bërë plane konkrete për dasmën.
Në një intervistë të dhënë për emisionin “Në Kurthin e Piter Pan”, Einxhel ndau më shumë detaje dhe tha: “Dagz, e dëgjove? Unë kam unazën, kam marrë propozimin. Tani po pres për dasmën përrallore. Dua që të jetë në bregdet, gjatë perëndimit… Duhet të jetë siç dua unë. Nëse nuk nis një beb tjetër, me siguri do të martohem shumë shpejt.”
