Gjatë një bisede me disa prej fermerëve në oborrin e “Ferma VIP”, Alba Pollozhani ka ndarë disa detaje nga jeta e saj personale.
Ajo tregoi se tre vite më parë jeta e saj kishte pësuar ndryshime të mëdha, pasi kishte qenë e martuar, por martesa e saj kishte përfunduar me divorc. Alba pranoi se kjo ndarje kishte ndikuar shumë në marrëdhëniet e saj të mëvonshme.
Gjithashtu, ajo u shpreh se prej një periudhë 2-3 vjeçare ka pasur eksperimentime në lidhje. Ndërsa përveç karrierës, synimi i saj kryesor mbetet krijimi i një familjeje
“Një periudhë prej 2-3 vitesh i kam pasur eksperimente, sepse para 3 vitesh ndryshuan shumë gjëra në jetën time. Kisha një lidhje shumë afatgjatë, isha në martesë dhe shkova në ndarje. Pas ndarjes qëndrova një periudhë kohe atje, për të stabilizuar pak veten. Se po të merrja ndonjë vendim, mos ta merrja nga mërzia. E më vonë erdha në Tiranë, dhe kam jetën përpara. Jo vetëm karrierën, e synoj shumë edhe krijimin e familjes, por kur të vijë, kismet”, tha Alba.