Marina Vjollca, një nga moderatoret më të njohura dhe me influencë në mediat shqiptare, do të rikthehet në ekranin televiziv. Ajo do të drejtojë një emision sportiv dedikuar “Kampionatit Europian” në Tv Klan, duke tërhequr vëmendjen e të gjithë tifozëve të sportit.
Shqiptarët kudo që janë do të mund të ndjekin ndeshjet e kombëtares kuqezi dhe të skuadrave të tjera pjesëmarrëse në “Kampionatin Europian 2024” që do të zhvillohet në Gjermani, ekskluzivisht në Tv Klan këtë vit.
Transmetimet do të fillojnë më 14 Qershor dhe do të zgjasin deri më 14 Korrik, duke filluar me ndeshjet e orës 15:00, vazhduar me ato të orës 18:00 dhe përfunduar me ndeshjet e mbrëmjes në orën 21:00. Përveç transmetimit të të gjitha ndeshjeve, Tv Klan do t’i kushtojë “Euro 2024” hapësira të posaçme me programe të dedikuara gjatë gjithë ditës, para dhe pas çdo ndeshjeje.
Burimi i artikullit: https://tvklan.al/
Burimi i fotos: https://www.instagram.com/marina_vjollca/?hl=en