Artistja solo izraelite, Eden Golan, 20-vjeç, dhe kënga e saj “Hurricane” u kualifikuan për në finalen e “Eurovision 2024”. Disa thirrje kundër u dëgjuan nga turma para, gjatë dhe pas performancës së Golan.
“Jam shumë e mbingarkuar me emocione. Është me të vërtetë një nder të jesh këtu në skenë duke performuar dhe duke përfaqësuar me krenari”, tha Golan më vonë në konferencën për shtyp, duke shtuar se organizatorët kishin marrë masa paraprake për ta bërë ngjarjen të sigurt për të gjithë.
Organizatorët e Eurovizionit i kanë bërë rezistencë thirrjeve për të përjashtuar Izraelin lidhur me luften në Gaza, të shkaktuar nga sulmi i Hamasit më 7 tetor, duke argumentuar se konkursi është një ngjarje jopolitike.
