Foggy, talenti i muzikës së re, ka dhënë një intervistë të rrallë per Faber Media duke zbuluar sfidat dhe pasionin e tij për muzikën. Në një bisedë të hollësishme, ai u shpreh se nuk mund të përcaktojë veten më shumë në kompozim apo duke kënduar, duke e cilësuar veten në të dyja fushat.
“Kam gjetur veten në të dyja,” tha ai kur u pyet se ku ndihet më shumë i përqendruar në krijimin e muzikës.
Për influencat e tij në muzikë, Foggy pranon se ka shumë burime të ndryshme që e inspiruan, veçanërisht në botën e hip-hopit, megjithëse nuk ka një emër specifik që e pasuron atë me frymëzim. “Janë shumë tek pjesa e muzikës, hip-hopi por jo me emra konkret, s’kam dikë,” shprehet ai.
Kur u pyet për parashikimin e vet për të ardhmen, ai pohon se pas 10 vitesh e shikon veten në majë të estradës, në një pozicion të lartë dhe të prekshëm në botën e muzikës.
Në lidhje me sakrificat për të arritur këtë nivel, ai pranon se sakrifica më e madhe për të ka qenë e lidhur me familjen. “Sakrifica më e madhe është që edhe familjen ndoshta e kam lënë pas dore vetëm për këtë gjë,” theksoi ai.
Foggy, një artist me vizion dhe pasion për muzikën, ka treguar se ëndrrat dhe qëllimet e tij nuk kanë kufij, duke e bërë të qartë se për të muzika është një devotshmëri dhe një rrugë e gjatë që do të ndjekë me vendosmëri.