Në një bisedë me banorët e tjerë në ‘Ferma VIP’, Çiljeta shprehu dëshirën për të zgjeruar familjen e saj. Ajo përmendi se, përveç dy djemve të saj, Fernando dhe Beko, do të dëshironte të kishte edhe një vajzë, e cila do të shërbente si një urë lidhëse mes dy vëllezërve. Këngëtarja tha se ëndërron të birësojë një fëmijë dhe shpreson që kjo dëshirë do të realizohet së shpejti me ndihmën e Zotit.
“Po të kisha një motër ose një vëlla, do të kisha gjithë botën sot. Këto janë dëshira që vijnë nga zemra. Kur e do personin me të cilin je, do ta duash edhe fëmijën e tij. Edhe nëse nuk e do personin me të cilin je, një nga dëshirat e mia është të birësoj një fëmijë dhe do ta bëj në të ardhmen, me shpresën që Zoti do ma bëjë të mundur,” tha ajo.
Duke folur për Bekon, djalin e Albanit, ajo tha se ai i ngjan nënës së tij dhe ka një fytyrë engjëllore.
“Ai është kopja e mamit të tij. Ka një fytyrë engjëlli dhe sytë i shkëlqejnë. Do të organizojmë një takim, do t’i ftojmë të gjithë në shtëpinë tonë dhe do t’i njihni çunat e mi,” shtoi ajo.
Kujtojmë se Albani humbi bashkëshorten pas lindjes së djalit të tyre.
Burimi i artikullit: https://www.instagram.com/reel/C7RqpkwIQlL/?utm_source=ig_embed&ig_rid=e47d87d9-cc19-4eba-a180-60483a70ca34
Burimi i fotos: