Reperi i njohur dhe banori i Big Brother VIP Albania 4, Gjesti, ka rikthyer edhe një herë vëmendjen e ndjekësve në rrjetet sociale, falë humorit dhe batutave të tij karakteristike.
Gjatë ditës së premte, ai ka shkaktuar të qeshura të mëdha si brenda shtëpisë, ashtu edhe jashtë saj, duke iu drejtuar me mesazhe plot ironi dy prej emrave më të njohur të muzikës shqiptare: Noizyt dhe Dafina Zeqirit.
“Noizy, nëse s’ma ke sjellë dronin e vërtetë, do të ta thyej Ferrarin kur të dal”, dëgjohet duke thënë Gjesti, duke nënkuptuar një dhuratë që mesa duket ia ka premtuar kolegu i tij nga skena e hip-hopit. Por nuk mbaron me kaq.
Ai vazhdon edhe me Dafinën, duke thënë me humor: “Edhe ti, Dafina Zeqiri, nëse nuk ma ke kthyer follow-in në Instagram, kuku për ty!”.
Reagimet nuk kanë munguar në rrjet, ku fansat janë argëtuar pafund me këtë moment. Shumë prej tyre e kanë shpërndarë klipin në TikTok dhe Instagram, duke e bërë virale në pak orë.
Gjesti ka krijuar një profil unik brenda shtëpisë së BBVA 4, duke u pozicionuar si një nga konkurrentët më të komentuar dhe me shpirtin më gazmor të këtij edicioni. Humori i tij, shpërthimet emocionale dhe mënyra e çiltër e të shprehurit e kanë bërë të pëlqyer nga një pjesë e madhe e publikut.