Gabriele Mezini u eliminua nga loja “BBV3” mbrëmjen e së shtunës dhe dje ishte i ftuar në “Fan Club”, ku diskutoi për përvojën e tij në shtëpinë e bigut, duke folur për debatet, marrëdhëniet me banorët dhe më shumë.
Kur u pyet për marrëdhënien me Sarën dhe për çfarë u përshkrua si një kimi midis tyre, Gabriele tha se nuk ishte një marrëdhënie e tillë, por thjesht një komunikim.
“Me aq pak ditë, është normale që nuk ka pasur një lidhje të thellë. Në fillim, nuk komunikonim fare për dy ditët e para, por më pas ajo erdhi dhe më pyeti pse kisha inat me të. Më tha se pse kisha përdorur emrin e saj për të nominuar dikë, dhe unë i thashë se kisha bërë të njëjtën gjë. Pas kësaj, filloi të lindë një lloj komunikimi. Nga mënyra si vinte në fillim, mendova se po bënte lojë.”
Megjithatë, Gabriele pranoi se ka një pëlqim për Vesa Smolicën.
Moderatorja Ina e pyeti Gabriele-n përse nuk kishte shfaqur më shumë interes për Vesën.
“Për faktin se në fillim…,” filloi ai, por u ndërpre nga Ina.
“Por edhe ti flirtoje në një mënyrë shumë mashkullore primitive. Do të përpiqesh të organizosh një takim me të pasi të dalësh nga shtëpia?” e pyeti Ina.
Gabriele u përgjigj: “Pse jo, mendoj se do të jetë edhe më e lehtë.
Burimi i artikullit: https://www.youtube.com/watch?v=-9OudGWGTNQ
Burimi i fotos: https://www.instagram.com/p/C1uCtRxt26S/