Diten e sotme, Facebook dhe Instagram kanë pësuar një mosfunksionim. Raportime nga përdoruesit përmes platformës Downdetector tregojnë për një valë të madhe problemesh që prekin shumicën e përdoruesve, duke filluar nga ora 4:22 pm dhe duke vazhduar deri tani.
Bazuar në të dhënat nga Downdetector, numri i raportimeve ka arritur rreth 60 mijë.
Në analizën e raportimeve, ka rezultuar se:
- 64% e Përdoruesve: Kanë raportuar se i kanë hasur probleme me funksionimin e përgjithshëm të aplikacionit. Ky është një problem i përgjithshëm që ka prekur shumicën e përdoruesve dhe ka bërë që shërbimi të jetë i padisponueshëm për to.
- 27% e Përdoruesve: Nuk kanë pasur sukses në hapjen e faqes kryesore të Instagramit.
- 9% e Përdoruesve: Kanë hasur vështirësi në kyçjen në aplikacion, ku nuk kanë mundur të bëjnë log-in.
Në këtë kohë, as Instagram as Facebook nuk kanë lëshuar një deklaratë zyrtare lidhur me këto shqetësime. Ndërkohë, përdoruesit po shprehin pakënaqësi në rrjetet sociale, duke shpresuar për një zgjidhje të shpejtë nga ekipet teknike të këtyre platformave.
Burimi i lajmit: https://downdetector.com/status/instagram/
Burimi i fotos: https://www.ytviews.in/instagram-keeps-crashing-how-to-fix/