Studentët e Universitetit Europian të Tiranës, të specializuar në degen Shkenca të Komunikimit, po bëjnë një kërkim shkencor për Big Brother Vip Albania 3, duke analizuar aspektet komunikuese të këtij show televiziv.
“Big Brother është një reality show i shikuar gjerësisht në Shqipëri, dhe sigurisht ka një impakt të gjerë, jo vetëm brenda kufijve të Shqipërisë, por edhe më tej. Ky është një studim shkencor i cili ka një kohëzgjatje deri ne perfundim te Big Brother. Në këtë program, gjejmë shumë elemente të cilat duhet t’i analizojmë, jo vetëm atë që audiencat shohin nëpërmjet ekranit, por edhe atë që ne shohim pas saj. Në fund të këtij studimi shkencor, i cili na ndihmon shumë në zbatimin praktik të dijeve që kemi marrë gjatë universitetit, na ndihmon edhe të përgjigjemi në pyetjet kërkimore, të hedhim hipoteza, ose të arrijmë në rezultate që i kemi vendosur si qëllim në fillim të studimit. Ky studim na vendos në levizje për të njohur dhe analizuar, nëse skenari është përshtatur mirë ose jo, si ndërveprojnë dhe përcjellin komunikimin ish-banorët, qofte ai verbal ose jo verbal, duke përfshirë gjuhën e trupit. Pra, aty mund të shikoni ish-banorët dhe të kuptoni shumë nga gjuha e tyre e trupit, duke kapur momentet kur ata prekin një temë. Ndonjëherë, gjuha e trupit mund të jetë më e ndjeshme dhe e pasur në informacion sesa vetë fjalët.” – u shpreh studentja Franceska Heti.
Burimi i artikullit: https://www.youtube.com/watch?v=CVKgkjg_yjM