Ermal Mamaqi lavdëroi performancën aktoriale të Luizit Ejlli në film, duke thënë se e konsideronte aktor më të mirë se këngëtar. Në reagim, Luizi iu kundërpërgjigj me një koment të ashpër, duke përdorur ironi dhe duke thënë se: “Edhe unë mendoj që Ermali është shkrimtar më i mirë se humorist. Mbaj mend që kam qenë të Panairi i Librit dhe dikush ble librin e tij, të cilin e ndoqa me sy dhe kur doli jashtë, i grisi të gjitha fletët për të shitur gështenja“.
Në një intervistë në “Wake Up”, Mamaqi komentoi këtë përgjigje duke thënë se komenti i tij ishte i sinqertë dhe se Luizi e kishte keqinterpretuar. Ai theksoi se nuk kishte asgjë kundër aftësive këngëtare të Luizit, por thjesht preferonte performancën aktoriale të tij. Ermali tha se: “E pashë kur ishte tek djemtë. Deri tek “është shkrimtar më i mirë se humorist” ishte OK, por pastaj bëri një goditje poshtë brezit. Ajo që kam thënë është shumë e sinqertë. Nuk kam thënë nuk di të këndojë. Po, më pëlqeu më shumë si aktor se sa më ka pëlqyer si këngëtar sepse nuk i kam dëgjuar këngët e tij dhe nuk ka asgjë të keqe. Kjo e ka mërzitur Luizin“.
Burimi i artikullit: https://www.topalbaniaradio.com/v7/ermal-mamaqi-ka-dicka-per-ti-thene-luiz-ejllit-pas-deklarates-se-tij-ironike-goditje-poshte-brezit/
Burimi i fotos: https://www.instagram.com/p/C1H2qhboP3F/