E rikthyer në skenën muzikore të Shqipërisë, Elhaida Dani ka qenë në qendër të vëmendjes dhe spekulimeve. Kohët e fundit, janë përhapur zëra se ajo mund të jetë shtatzënë. E pyetur nga emisioni “Pushime on Top” gjatë një koncerti, Elhaida mohoi këto thashetheme.
“Jo, nuk jam. Por nëse do të ndodhë, do t’ju njoftoj me shumë kënaqësi,” deklaroi këngëtarja nga Shkodra. Kur u pyet nëse ka plane për një fëmijë ose nëse ka diskutuar për këtë çështje, Elhaida u tregua e rezervuar: “Tani nuk do themi aq shumë gjëra, të lutem,” duke mbyllur bisedën pa dhënë më shumë detaje.
