Egla Ceno, fituesja e edicionit të tretë të Big Brother VIP, ka bërë reagimin e saj të parë në rrjetet sociale. Në një postim në Instagram, ajo shpreh mirënjohje dhe falënderim për të gjithë ata që e kanë mbështetur dhe votuar gjatë rrugëtimit të saj në Big Brother VIP.
“Jam ende pa fjalë. Por jam thellësisht mirënjohëse për publikun që më deshi dhe më pranoi me të gjitha ngjyrat e mia, dhe sigurisht për @topchannelalbania që më dha mundësinë të isha pjesë e kësaj eksperience të jashtëzakonshme. Do shihemi shumë shpejt,” shkruan ajo.
Egla Ceno është fituesja e Big Brother Albania VIP 3, duke marrë çmimin e madh prej 100 mijë eurosh. Ajo është gruaja e parë që fiton edicionin VIP të këtij reality show, që zgjati katër muaj e gjysmë.
Burimi i artikullit: https://www.instagram.com/p/C7cFP0jNv8F/?hl=en
Burimi i fotos: https://www.instagram.com/p/C69jaZcNjpP/?hl=en&img_index=1