Moderatorja Einxhel Shkira fitoi zemrat e publikut gjatë pjesëmarrjes së saj në edicionin e parë të “Big Brother VIP”, ku arriti të ishte një nga katër finalistët. Historia e saj e dashurisë me DJ Dagz, që filloi brenda shtëpisë së “BBV1”, tërhoqi vëmendje të madhe. Çifti vazhdoi lidhjen edhe jashtë shtëpisë dhe sot janë prindër të një djali të quajtur Trev.
Në një intervistë për “E Diell”, nën moderimin e Argjira Spancës dhe Beniada Nishanit, DJ Dagz foli për jetën, karrierën dhe familjen e tij. Kur u pyet nëse Einxhel është xheloze, ai u përgjigj:
“Einxhel Shkira dhe xhelozia nuk shkojnë bashkë.”
Ndërkohë, Argjira Spanca, një mike e çiftit, ndërhyri:
“Unë mendoj të kundërtën. Ajo është inatçie, nuk ia shpreh atij, por në grupin e vajzave…”
Lidhur me vogëlushin Trev, DJ Dagz tha:
“Kur jam vetëm me Trevin dhe Enxhin, situatat bëhen të rrëmujshme. Trevi bën rrëmujë. Janë 6 njerëz aktivë që kujdesen për të sepse edhe familja ime është e përfshirë.”