Gazetari dhe moderatori i njohur Blendi Fevziu ka rrëfyer për herë të parë detaje të ngjarjes dramatike që i ndodhi gjatë xhirimeve në një Park Kombëtar në Shqipëri, duke zbuluar për herë të parë pamjet dhe momentet e tensionuara që kaloi.
Fevziu, i cili shfaqej në nisje të emisionit “Opinion” në Tv Klan me krahun e fashuar, u përball me një incident të papritur gjatë një xhiroje me motor në natyrë. Ai tregoi se motori me katër rrota që po përdorte filloi të humbte kontrollin, detyruar atë të hidhej vetë për të parandaluar një situatë më të rëndë.
“Është një aksident në ngjitje duke bërë xhirime, e kam dhe të filmuar madje. Kur mbarova më thanë t’a bëjmë dhe një se me dron del shumë bukur, por doli me pasoja. Isha në një Park Kombëtar në Shqipëri, po bëja një xhiro me motor me katër rrota pata një problem dhe u hodha vetë, se motori po ecte mbrapsht. Për fat isha me kaskë dhe veshjen e duhur për ta përballuar. Është një problem që do më marrë gjysmën e kësaj vere, nuk është se më dhanë një zgjidhje të dytë. Sidomos kur shoh detin… unë që notoja një orë e gjysmë. Nuk mund ta lëviz krahun, tani detyrohem të shoh tjetër që notojnë”, tha Fevziu.
Incidenti, i cili ndodhi gjatë një periudhe të ngarkuar të punës për Fevziun, solli pasojat e tij në shëndetin e tij, duke e detyruar atë të përqëndrohet në rikuperimin e krahut të dëmtuar dhe në shërimin e tij. Gazetari ka ndarë edhe me publikun se ky aksident i ka kufizuar aktivitetet e tij, duke e bërë të pamundur ushtrimin e disa aktiviteteve, si noti në det.
Burimi i artikullit: https://www.youtube.com/watch?v=LsQ7FOnfWJ0
Burimi i fotos; https://www.instagram.com/blendifevziu/?hl=en