Sot, gjatë një bisede me Rozën, Rike ka ndarë historinë e saj të ndërlikuar familjare. Ajo ka rrëfyer se kur familja e saj iu bashkua babait në Itali, zbuloi se ai kishte nisur një jetë të re atje, duke shkaktuar konflikte të shumta me nënën e Rikes. Këto mosmarrëveshje dhe skena të tensionuara në shtëpinë e tyre kanë ndikuar në sjelljen agresive të Rikes. Gjithashtu, ajo ka rrëfyer se babai solli në shtëpi partneren e re, e cila përpiqej të zëvendësonte nënën e saj në një kohë kur nëna po luftonte për jetën.
Rike ka treguar më pas për humbjen e babait të saj në Shqipëri, duke theksuar se nuk ka asnjë kujtim fotografik të familjes së saj së bashku. Ajo ka ndarë momentet e fundit të babait të saj, i cili vdiq nga problemet me mushkëritë në duart e saj. Rike dhe nëna e saj qëndruan pranë tij, duke jetuar në një dhomë me qira për tre muaj përballë sanatoriumit në Tiranë për të qenë sa më afër të mundshme. Ajo rrëfen se shikonte përmes xhamit të dhomës çdo ndërhyrje që i bëhej babait dhe pyeste mjekët për gjendjen e tij. Pavarësisht sfidave dhe sjelljes së babait ndaj tyre, Rike dhe nëna e saj i qëndruan afër deri në fund.
Burimi i artikullit: https://www.instagram.com/reel/C45WESysKlp/?utm_source=ig_embed&ig_rid=ffce8a0e-a453-497c-8341-85761ff43d60
Burimi i fotos: https://www.instagram.com/p/CoaO6hdIPsr/