Arbër Hajdari, i cili prej disa muajsh është bërë baba i një vajze, ka zbuluar për herë të parë emrin e saj. Opinionisti i “Big Brother VIP Albania” nuk ka ndarë ende një foto të vogëlushes, por në një intervistë të fundit në “Cherry on Top” ai tregoi se e ka quajtur vajzën Raina.
Arbri shprehet se vajza i ngjan shumë atij dhe ndjehet keq që nuk mund të kalojë më shumë kohë me të. Ai pranon se nuk e kishte kuptuar sa shpejt rriten fëmijët dhe sa e rëndësishme është prania e prindërve në jetën e tyre. “Pasi të mbarojë post – Big Brother, do të reflektoj për kohën që do t’i kushtoj Rajnës,” tha ai.
Ai gjithashtu shprehu dëshirën e madhe për të kaluar më shumë kohë me të bijën pas përfundimit të spektaklit. “Nuk kam mundur të kaloj kohë me të, përveç dy të dielave. Rriten shpejt dhe kanë nevojë vetëm për prezencën tonë,” përfundoi ai.
