Shkëmbinjtë hënor dhe pluhuri i mbledhur nga astronautët e Apollo 17 në 1972 kanë përmirësuar kërkimet për moshën e hënës. Sipas vlerësimeve të mëparshme, Hena ishte formuar rreth 4,425 miliardë vite më parë. Megjithatë, një analizë e kohëve të fundit e kristaleve të zirkonit të gjetura e ka shtyrë moshën e hënës me 40 milionë vite, duke e bërë atë 4.46 miliardë vite.
Origjina e hënës daton në një përplasje masive qiellore më shumë se 4 miliardë vjet më parë, kur një objekt me madhësinë e Marsit goditi Tokën, duke krijuar hënën. Përcaktimi i moshës së saktë të kësaj ngjarje ka qenë një sfidë për shkencëtarët. Kristalet e zirkonit të gjetura në sipërfaqen e hënës dhanë një zbulim të madh sepse ato mund të ishin formuar vetëm pasi oqeani i magmës hënore të ishte ftohur.
“Këto kristale janë lëndët e ngurta më të vjetra të njohura që u formuan pas përplasjes gjigante. Dhe për shkak se ne e dimë se sa të vjetër janë këto kristale, ato shërbejnë si një spirancë për kronologjinë hënore,” thotë Philipp Heck.
Burimi i lajmit: https://edition.cnn.com/2023/10/23/world/apollo-17-moon-age-crystals-scn/index.html
Burim i fotos: Photo by Francesco Ungaro: https://www.pexels.com/photo/majestic-moon-on-night-sky-14521899/