Telashet për Taynën nuk po mbarojnë, teksa ajo ka filluar një betejë ligjore me ish-menaxherin e saj, Rinor Hykollin. Së fundmi, reperja ka njoftuar përmes rrjeteve sociale se pjesëmarrja e saj në Alba Festival është anuluar. Tayna ka theksuar se kjo situatë ishte jashtë kontrollit të saj.
“Pjesëmarrja ime në ‘Alba Festival’ është anuluar. U kërkoj falje fansave të mi, por nuk ishte në dorën time,” ka shkruar ajo.
Nuk dihet ende qartë nëse bëhet fjalë për ndonjë pengesë specifike apo ndonjë arsye tjetër që e ka bërë të pamundur pjesëmarrjen e saj në momentin e fundit. Duhet përmendur se projekti i saj më i ri u bllokua në YouTube nga ish-menaxheri Hykolli, pas disa replika të forta publike mes tyre në rrjetet sociale. Si pasojë, kënga u hoq nga platforma.
Tayna ka deklaruar se do ta ndjekë këtë çështje në rrugë ligjore.
