Almeda Abazi ishte e ftuar në emisionin “Pushime On Top” për të ndarë të rejat më të fundit nga jeta e saj.
Në një nga pyetjet gjatë intervistës, gazetarja Lei Kraja i kërkoi të veçonte momentet më të bukura dhe më të vështira që ka përjetuar me bashkëshortin e saj, Tolgahan Sayışman.
“Momentet e bukura janë të panumërta. Gjëja e parë që më vjen në mendje është lindja e fëmijëve tanë, Efes dhe Alinës. Nuk ka gjë më të bukur se ato momente. Sigurisht që edhe martesa jonë është e veçantë, por lindja e fëmijëve është në vend të parë,” tha ajo. Sa i përket momenteve të vështira, Almeda theksoi se, ashtu si çdo çift tjetër, edhe ata kanë pasur ulje-ngritje, por asgjë që nuk mund të kalohet.
Një tjetër pyetje ishte nëse do të pranonte të luante në një film me Tolgahan dhe sa larg do të shkonte një skenë dashurie mes tyre.
“Nuk e di nëse do të doja të luaja në një film, sepse kemi marrë shumë oferta, por xhirimet janë shumë të lodhshme. Do të thotë të heq dorë nga koha në shtëpi, sepse Tolga është gjithmonë i zënë dhe do të më duhej edhe mua të isha larg. Për këtë arsye, nuk dua që të kalojmë 24 orë bashkë në punë,” u shpreh Almeda.
Burimi i fotos: https://www.instagram.com/p/C1hcpwpt6GF/?igsh=MWFmNXpoaXhxY2tzOQ==
Burimi i lajmit: https://youtu.be/pojiuCUQ-rI