1.Të flasësh për seksin– Diskutoni e pyesni lidhur me partnerët/et e mëparshëm, testimet e kryera për IST ose HIV.
2.Prezervativi i madhërishëm– Edhe nëse e keni për herë të parë ose keni eksperiencë, një prezervativ është mbrojtja më e mirë që mund t’i jepni vetes. Jo vetëm që ju mbron nga shtatëzania e paplanifikuar, por edhe nga IST-të, përfshirë HIV. Gjithashtu, përdoreni prezervativin një herë të vetme për çdo akt seksual. Mos kini turp të kërkoni prezervativ.
3.Rregulli i prezervativit të lubrifikuar– Për marrëdhëniet seksuale, gjithmonë zgjidhni një prezervativ të lubrifikuar. Jo vetëm që lubrifikimi parandalon çarjen, por gjithashtu e bën më të lehtë dhe më të rehatshme vendosjen e tij. Nga ana tjetër, më shumë lubrifikim do të thotë më shumë kënaqësi me partneren/partnerin tuaj.
4.Monogamia është joshëse– Një partner i vetëm eliminon rrezikun për të marrë një IST. Mbani mend, kur flini me një person, në mënyrë indirekte ju flini me këdo që ai person ka fjetur në të kaluarën e vet. Jeto monogam, jeto i sigurt.
5.Testimi është i nevojshëm– Së bashku me partnerin/partneren shkoni të bëni analizat për IST-të dhe HIV, të dy në çift.
6.Alkooli merr vendime të gabuara– Vendimet më të gabuara merren nën efektin e alkoolit ose drogave. Mos abuzoni me alkoolin para ose gjatë aktivitetit seksual.
7.Mbroje gojën tënde– Seksi oral mund të çojë drejt HIV dhe AIDS, sidomos për personin që e kryen seksin oral. Vendos prezervativ.
8.Mbani një prezervativ rezervë– Në rastin kur prezervativi çahet ndërsa po e vendosni, është mirë që të keni një tjetër rezervë.
9.Kontrolloni prezervativin pas seksit– Nëse keni ndonjë dyshim që prezervativi mund të jetë çarë ose prishur gjatë seksit, kontrolloni prezervativin pas seksit. Mund ta mbushni me ujë për të parë se mos ka ndonjë rrjedhje.
10.Mos bëni asgjë nëse nuk keni dëshirë ta bëni– Së fundmi, zgjedhja për të bërë ose jo seks është e juaja. Bëjeni vetëm në momentin që ju ndiheni rehat me idenë dhe jo për shkak të ndonjë presioni të jashtëm. Qëndro i/e sigurt dhe do të kesh një jetë seksuale të gjatë dhe të kënaqshme.