Influencerja dhe ish banorja e ‘Big Brother VIP Albania’, Dea Michelle ka reaguar së fundmi ndaj pyetjes nëse do të pranonte një ofertë për të qenë opinioniste në sezonin e ri të “Big Brother VIP Albania”. Përmes një serie pyetje-përgjigje në Instagram, ish banorja e ‘BBVA’ u shpreh se pozicioni është i bukur dhe i rëndësishëm, por njëkohësisht kërkon shumë përgjegjësi.
“Të qenit opinionist nuk është thjesht komentim i situatave, por kërkon balancë dhe aftësi për të ruajtur objektivitetin, sidomos kur banorët janë të izoluar dhe publiku është i ndjeshëm ndaj çfarë thuhet.”
Megjithatë, ajo shtoi me humor se “përqendrimi nuk është pika ime më e fortë” por se çdoherë është e gatshme të japë më të mirën nëse i jepet mundësia.
Aktualisht nuk ka konfirmim zyrtar nga produksioni i “Big Brother VIP Albania” për praninë e Deas në panelin e opinionistëve. Por fakti që emri i saj po qarkullon me zë të lartë në media tregon se ka mjaft interes rreth përfshirjes së saj.
Mbetet të shihet nëse Dea do te jetë pjesë e ‘BBVA’ apo jo!