Një moment shumë emocionues ka ndodhur në “Ferma VIP 2”, ku Big Mama ka ndarë një histori prekëse nga jeta e saj gjatë një bisede me Yllin, fermerin tjetër. Ajo ka rrëfyer lidhjen e ngushtë që kishte me babain dhe se nuk e kishte imagjinuar kurrë largimin e tij nga jeta.
Gjatë bisedës, artistja është shprehur se “në fillim mendova se nuk do ta përballoja dot këtë dhimbje, dhe madje kam menduar të veproja në mënyrë drastike”.
“Me babin kam qenë shumë e lidhur dhe se kam menduar do të se do më vdiste babi. Thoja nëse ai vdes, garant që kam për të bërë vetëvrasje, por ama njeriu mësohet. Madje ka vdekur në duart e mia dhe vetë dija ta menaxhoja situatën dhe të organizoja të gjitha gjërat” – ka thënë Big Mama.