Franca ka bërë një hap të rëndësishëm drejt kthimit të abortit në një të drejtë kushtetuese, duke e bërë vendin e parë në botë që e miraton këtë ndryshim. Parlamenti francez miratoi me një shumicë prej 780 votash pro dhe 72 kundër në një seancë të rrallë parlamentare në Pallatin e Versajës.
Presidenti francez Emmanuel Macron ka reaguar ndaj këtij vendimi historik, duke e quajtur një krenari për Francën dhe duke e shikuar si një mesazh universal. Ky zhvillim vjen pas premtimeve të Macronit vitin e kaluar për të përfshirë të drejtën e abortit në Kushtetutë, pasi Gjykata Supreme e Shteteve të Bashkuara e kishte përmbysur ligjin në vitin 2022 që lejonte këtë procedurë. Tani, Franca bëhet një ndër vendet që ka vendosur të përfshijë këtë të drejtë thelbësore në nivel kushtetues. Ndërkohë, në Shtetet e Bashkuara, çështja e abortit mbetet në dorën e secilit shtet për të vendosur për ndalimin apo lejimin e kësaj procedure.