Në fillim të vitit, kursi i këmbimit të monedhës europiane në krahasim me Lekun ka treguar shenja të rikuperimit. Në pikat e këmbimit valutor, 1 Euro është këmbyer me 104.7 Lekë, duke përfituar 1.39 pikë vetëm gjatë javës së parë të Janarit.
Dollari amerikan gjithashtu ka treguar rritje në krahasim me Lekun, duke u forcuar me të paktën 1.51 pikë dhe këmbyer në nivelin e 95.3 lekëve. Ndonëse Paundi britanik dhe franga zvicerane mbeten në pozita të ngjashme me fundin e vitit 2023, ata vazhdojnë të rrisin vlerën e tyre në mënyrë të butë.
Në planin e Bankës së Shqipërisë është parashikuar ndërhyrja në tregun vendas, duke tërhequr një sasi prej 330 milionë eurosh nga rezerva valutore. Kalendari publik i Bankës së Shqipërisë përmban 20 ankande të planifikuara për blerjen e monedhës euro në treg.
Ndërhyrjet fillestare do të nisin më 16 Shkurt 2024, me qëllim blerjen e deri në 10 milionë euro, ndërsa kalendarin e ankandeve pritet ta përfundojë më 20 dhjetor 2024.