Në datën 5 tetor u nda nga jeta Duro Shehu, vëllai i Mehmet Shehut, ish-Kryeministerit të Shqipërisë deri më 17 dhjetor 1981, dite kur ai u deklarua se ishte vetëvrarë. Duro Shehu lindi në 13 Mars 1927, në Çorrush të Mallakastrës, në një familje patriote dhe atdhetare. Në moshë krejt të re Duroja mori pjesë më LANÇ. Mbas çlirimit të Shqipërisë, Durua studjon në Moskë në akademinë ushtarake ku mbas perfundimit te studimeve kthehet dhe emërohet ne detyra të ndryshme në forcat e armatosura të Shqipërisë. Në Dhjetor të 1981, pushteti i asaj kohe deklaroi se vëllai i tij, Mehmet Shehu kishte vrarë veten dhe e deklaroi këtë një veprim armiqsor.
Këtu filloi një jetë tjetër për gjithë anëtarët e familjes Shehu. Durua lirohet me urgjencë nga ushtria. Më pas famila e tij, bashkëshortja me dy vajzat u internuan në Kosovë të Elbasanit, ndërsa ai përfundoi në Burgun famkeq të Burrelit. Viti 1990, solli edhe lirimin e Duros dhe familjes, të cilët u bashkuan përsëri në Tiranë, si të pa strehë, pa të ardhura financiare dhe u detyruan të largohen nga Shqipëria dhe të vendosen në Kanada. Durua mban një seri Urdhërash dhe Dekoratash për shërbimet ndaj Atdheut. Ai u varros në 6 tetor 2023 në Windsor Memorial Gardens në Windsor, Kanada.
