Aeroporti Roland Garros në ishullin francez Réunion po tërheq vëmendjen për terminalin e tij të mbërritjeve, i cili funksionon pa sistem tradicional kondicionimi, pavarësisht klimës tropikale. Temperatura brenda mbahet rreth 25-26°C falë ventilimit natyror, çatisë së projektuar posaçërisht, më shumë se 800 dritareve me lamela automatike dhe ventilatorëve gjigantë në tavan.
Sistemi shfrytëzon erërat alize për të qarkulluar ajrin dhe mund të ulë temperaturën e brendshme me rreth 4-5°C. Kjo zgjidhje ka sjellë edhe kursime të konsiderueshme energjie, rreth 150 mijë euro në vit, ndërsa sipas projektuesve emetimet e CO₂ janë shumë më të ulëta se në një ndërtesë me kondicionim tradicional.
Megjithatë, kjo zgjidhje nuk mund të aplikohet njësoj kudo, pasi varet nga klima, temperaturat dhe cilësia e ajrit. Réunion po dëshmon se një ndërtesë mund të ftohet edhe duke shfrytëzuar zgjuarsinë e arkitekturës dhe kushtet natyrore.