Një studim i ri ka zbuluar se disa produkte për zgjatjen e flokëve (extensions) dhe flokë sintetikë për gërsheta përmbajnë kimikate të rrezikshme, të njëjtat substanca që përdoren në tuba plastikë, pesticide dhe pllaka dyshemeje.
Studimi, i publikuar në revistën shkencore Silent Spring Institute, analizoi 43 produkte për flokë të blera online dhe në dyqane kozmetike, duke identifikuar gjithsej 169 kimikate, përfshirë substanca të lidhura me kancerin, çrregullime hormonale dhe probleme riprodhuese.
Çfarë zbuloi studimi?
- Nga 43 produktet e testuara:
- 41 përmbanin kimikate të rrezikshme
- U identifikuan flamë-rezistente, pesticide dhe stabilizues plastikë
- 12 përbërës figuronin në listën e Proposition 65 të Kalifornisë (ligji për ujin e pijshëm dhe substancat toksike të vitit 1986), që paralajmëron për kimikate që shkaktojnë kancer apo defekte në lindje
- 17 kimikate ishin të lidhura me kancerin e gjirit
- 4 mostra përmbanin 23 komponime të njohura si organotin, të lidhura me kancer dhe çrregullime hormonale
Sipas studiueses kryesore Elissia Franklin, komponimet organotin ishin veçanërisht shqetësuese, pasi zakonisht përdoren si stabilizues në PVC dhe njihen për ndikim negativ në shëndet dhe mjedis.
Dy produktet e vetme që rezultuan të sigurta, nga markat Spetra dhe Latched & Hooked, ishin të etiketuara si “non-toxic” ose “toxic-free”.
Kimikatet më shqetësuese të identifikuara
Disa prej substancave të gjetura përfshijnë:
- Benzyl chloride – potencialisht kancerogjen, mund të dëmtojë mushkëritë dhe traktin tretës
- Dibutyl phthalate (DBP) dhe DEHP – përdoren për të rritur fleksibilitetin e plastikës; të lidhura me kancerin e gjirit
- Plumbi – i njohur për neurotoksicitet
- Benzene – kancerogjen i njohur
Shumë prej këtyre kimikateve janë të klasifikuara si të rrezikshme në bazën ndërkombëtare të të dhënave PlastChem, e cila kategorizon substancat e përdorura në plastikë.
Rreziku për përdorueset dhe stilistet
Sipas Dr. Chris Pernell nga NAACP Center for Health Equity, kimikatet mund të:
- Absorbohen përmes skalpit
- Thithen gjatë stilimit me nxehtësi
- Depërtojnë përmes duarve (sidomos tek stilistet dhe gërshetueset)
- Ekspozimi i vazhdueshëm për profesionistet e bukurisë mund të rrisë rrezikun e përthithjes përmes lëkurës.
Megjithatë, ekspertët theksojnë se nevojiten më shumë kërkime për të përcaktuar lidhjen e drejtpërdrejtë midis këtyre produkteve dhe zhvillimit të kancerit apo çrregullimeve neurologjike.