Ndërsa ti shfleton telefonin para gjumit, ai mund të jetë duke regjistruar çdo detaj për ty në aplikacionin “Shënime”: ushqimet që të pëlqejnë kur je e lodhur, madhësinë e këpucëve, lulet e preferuara, gjërat që të bezdisin dhe mënyrën se si reagon nën presion. Ky trend viral po shpërndahet me shpejtësi në rrjetet sociale dhe ka ndezur debate të shumta.
Gjithçka nisi kur krijuesja e përmbajtjes Jessica Kirk pyeti ndjekësit nëse burrat mbajnë shënime për gratë me të cilat takohen. Përgjigjet erdhën me dhjetëra screenshot-e, duke treguar lista tepër të detajuara që përfshinin seksione si:
- “Fakte rreth saj”
- “Gjërat që e bëjnë të ndihet e dashur”
- Dokumente me tituj si “Maia 101”
Në këto lista regjistroheshin gjithçka: ushqime, pijet dhe aktivitetet e preferuara, idetë për takime, madhësitë e rrobave, alergjitë, librat dhe artistët e dashur, madje edhe madhësia e unazës. Burrat thonë se qëllimi është i qartë: të bëjnë partneren të ndihet e kuptuar, e dëgjuar dhe e vlerësuar.
Komentet në rrjetet sociale janë të ndara. Disa e përshëndesin këtë si shenjë kujdesi dhe përkushtimi, duke shkruar: “Po e shtoj këtë në listën time ‘burrat e mirë ekzistojnë’”. Të tjerë e shohin si të tepruar dhe jo spontane, duke argumentuar se dashuria nuk duhet të funksionojë si një manual.
💭 Pyetja që po bën namin:
A është kjo një romancë moderne, apo thjesht një mënyrë e re për të “menaxhuar” marrëdhëniet njerëzore në epokën digjitale?