Pas debatit të ashpër që shpërtheu në shtëpinë e “Big Brother VIP”, ku Rogerti hodhi akuza të rënda ndaj Selinës duke e etiketuar me insinuata për një “sugar daddy”, familja e saj ka reaguar publikisht përmes një deklarate të fortë në rrjetet sociale.
Në reagimin e publikuar, familjarët shprehen thellësisht të indinjuar për gjuhën denigruese dhe shpifjet që, sipas tyre, kanë kaluar çdo kufi loje dhe debati. Ata theksojnë se pas Prime-it, Selina është vënë në shënjestër të një serie akuzash fyese, të cilat kanë prekur drejtpërdrejt nderin, dinjitetin dhe integritetin e saj si grua dhe si profesioniste.
Familja e Selinës i quan të pavërteta dhe të papranueshme insinuatat për “sugar daddy”, duke i cilësuar si shpifje të pastra që dëmtojnë rëndë figurën morale të saj. Po ashtu, ata reagojnë edhe ndaj sulmeve mbi integritetin profesional të Selinës si balerinë, duke theksuar se karriera dhe puna e saj flasin vetë prej vitesh dhe nuk kanë nevojë për insinuata për t’u vlerësuar.
Në deklaratë përmendet edhe një tjetër akuzë e rëndë, ku pretendohet se Selina ka shkelur rregullat e programit gjatë periudhës së karantinës, duke përdorur telefon diçka që familja e mohon kategorikisht dhe e cilëson si përpjekje për ta nxjerrë keq jo vetëm Selinën, por edhe vetë produksionin.
“Askush nuk ka të drejtë të ngrejë shpifje, të ulë integritetin e një vajze dhe të përdorë fjalë që dëmtojnë rëndë personalitetin dhe reputacionin e saj për arsye loje apo strategjie,” – thuhet mes të tjerash në reagim.
Familjarët i bëjnë thirrje produksionit që situata të trajtohet me seriozitet maksimal dhe të merren masa konkrete sipas rregullores për të ndalur gjuhën denigruese, sulmet personale dhe shpifjet që tejkalojnë çdo kufi njerëzor dhe etik.
Në fund, ata theksojnë se Selina ka hyrë në këtë eksperiencë me dinjitet, korrektësi dhe respekt për rregullat, dhe kërkojnë që i njëjti standard të ruhet edhe ndaj saj.
Reagimi i familjes së Selinës ka marrë mbështetje të gjerë në rrjet, ku shumë ndjekës po dënojnë ashpër akuzat e Rogertit dhe po kërkojnë respekt për figurën e banorëve.
