Një moment tensionesh dhe emocioni u shënua brenda shtëpisë së “Big Brother VIP Albania 5”, kur banori Rogerti ngriti një pyetje provokuese lidhur me fatkeqësinë që preku familjen e këngëtarit Gjesti. Pyetja e tij për rrethanat e vdekjes së vëllait të Gjestit shkaktoi reagime të forta, sidomos tek DJ Gimbo, i cili është mik i ngushtë dhe mbështetës i këngëtarit.
Gjatë debatit para kamerave, Rogerti u përpoq të adresonte temën e dhimbshme duke thënë se po e shqetësonte çështja. Por reagimi i DJ Gimbo-s ishte i ashpër dhe i menjëhershëm:
“Leje bre vëlla”, – iu drejtua ai Rogertit.
“Nuk e kam qejf këtë temë, sidomos para kamerave. Nuk mund të flas për këtë, sidomos jo këtu.”
Reagimi i DJ Gimbos u perceptua nga shumë shikues si një përpjekje për të mbrojtur privatësinë dhe respektin ndaj Gjestit dhe familjes së tij në një çast delikat. Ai theksoi se temat aq personale dhe të dhimbshme nuk duhet të trajtohen pa ndjeshmëri, e aq më pak në sy të kamerave të një reality show-je.
Kujtojmë se Gjesti, fitues i edicionit të kaluar të “Big Brother VIP Albania”, ka kaluar një periudhë të vështirë pas humbjes tragjike të vëllait të tij, periudhë në të cilën ai u tërhoq edhe nga muzika dhe vëmendja publike. Sipas burimeve të afërta, artisti është duke u përgatitur për një rikthim gradual në skenë.