OpenAI po revolucionarizon botën e teknologjisë me një smartphone pa ekran, që do të lejojë përdoruesit të komunikojnë me inteligjencën artificiale vetëm përmes zërit. Pajisja synon të imitojë bisedën njerëzore në mënyrë natyrale, duke e bërë ndërveprimin me chatbot-in ChatGPT më intuitiv dhe të sofistikuar.
Aktualisht, grupet më të forta të ekspertëve të inteligjencës artificiale po punojnë për përmirësimin e modeleve audio mbi të cilat bazohet ChatGPT. Kjo do të bëjë kalimin në versionin më të avancuar të AI-së më të lehtë dhe më të natyrshëm për përdoruesit.
Sipas mediave ndërkombëtare, modeli i ri audio ChatGPT pritet të dalë në treg në fillim të vitit 2027. Pajisja do të lidhet edhe me altoparlantë inteligjentë dhe syze të komandueshme me zë, duke krijuar një ekosistem të plotë për bashkëveprim audio.
Por OpenAI nuk është i vetmi që po eksploron këtë rrugë. Kolosët e tjerë teknologjikë, si Meta me syzet e saj të komandueshme me zë dhe Amazon me asistentin Alexa të bazuar në Inteligjencën Artificiale Gjenerative, po përpiqen të revolucionarizojnë ndërveprimin njerëzor me teknologjinë.
Me këtë smartphone inovativ, komunikimi i së ardhmes mund të bëhet më natyral, më i shpejtë dhe më intuitiv, duke hequr pothuajse tërësisht ekranin nga ekuilibri i përdorimit të teknologjisë.