A keni ndonjëherë menduar se truri juaj mund të mësojë edhe nga gjërat që i përjetoni vetëm në mendje? Sipas studimeve të fundit të neuroshkencës, imagjinata nuk është thjesht një lojë mendore ajo ndikon drejtpërdrejt në mënyrën si truri mëson dhe formon sjellje.
Hulumtimet tregojnë se kur përjetojmë me imagjinatë një situatë veçanërisht një eksperiencë pozitive truri aktivizon të njëjtat rrugë neurologjike që përdoren edhe kur përjetojmë diçka në realitet. Në eksperimentet moderne, njerëzit që imagjinonin një situatë pozitive për dikë, filluan ta preferonin atë person edhe pse në realitet nuk e kishin takuar kurrë, dhe aktiviteti në zonat e mësimit të trurit ishte i ngjashëm me atë të përvojave reale.
Kjo do të thotë se truri mund të “trajnohet” përmes mendimeve dhe imazheve të menduara, duke ndikuar mbi emocionet, motivimin dhe vendimet që marrim. Imagjinata aktive jo vetëm që ngre humorin apo përgatit mendjen për të ardhmen, por edhe formon lidhje nervore të reja që pasqyrojnë mësimin real.
Shkencëtarët e kognicionit theksojnë se ky fenomen lidhet me funksionin e strukturave të trurit përgjegjëse për kujtesën dhe mësimin duke e bërë imagjinatën një mjet të fuqishëm për zhvillimin personal. Kjo nuk do të thotë që realiteti nuk ka rëndësi, por se mendja jonë “mëson” nga ajo që imagjinon, pothuajse sikur po e përjeton drejtëpërdrejt.
Në praktikë, kjo zbulim mund të përdoret për të përmirësuar marrëdhëniet, performancën në punë, apo edhe shëndetin mendor, duke praktikuar imazhin e rezultateve pozitive dhe sjelljeve që dëshironi të arrini.