Festa do të thotë gëzim, buzëqeshje dhe kujtime të bukura, sidomos për fëmijët. Por magjia e festave nuk do të thotë shpenzime të mëdha, dhurata të shtrenjta apo lukse të panevojshme. Fëmijët nuk mbajnë mend çmimin e dhuratave, por momentet, vëmendjen dhe dashurinë. Ja disa mënyra të thjeshta, kreative dhe të përballueshme për ta kthyer këtë periudhë në një kujtim të paharrueshëm për ta.
🎄 1. Krijoni rituale të vogla familjare
Fëmijët duan tradita, edhe nëse janë të thjeshta. Ato u japin atyre siguri, emocion dhe ndjesinë e bashkimit familjar.
- Pini bashkë çokollatë të ngrohtë çdo darkë festash
- Shikoni një film festiv në familje
- Lexoni një përrallë para gjumit
- Ndizni dekorin së bashku duke numëruar deri në tre
Këto momente formojnë kujtime që fëmijët do t’i mbajnë mend për gjithë jetën.
✂️ 2. Dekoret bëjini vetë – dhe përfshini fëmijët
Nuk ka nevojë për zbukurime të shtrenjta. Dekorimi mund të jetë lojë, krijimtari dhe bashkim familjar.
- përdorni letër ngjyrash për të bërë yje, borë, pema të vogla
- vizatoni dhe ngjitni në dritare
- bëni varëse me pambuk, letra ose kapëse rrobash
- lejojini fëmijët të dekorojnë pemën sipas dëshirës së tyre
Jo vetëm që kurseni para, por fëmijët ndihen krenarë për krijimet e tyre.
🎁 3. Dhuratat nuk kanë pse të jenë materiale
Dhurata më e madhe për një fëmijë është koha dhe vëmendja.
Në vend të lodrave shumë të shtrenjta, mund të dhuroni:
- një “ditë lojrash me mamin/babin”
- një udhëtim të vogël në park
- një ditë pa rregulla strikte
- një libër me shënim personal brenda
Një përqafim, një kartolinë me dorë, një fjalë e bukur shpesh vlen më shumë se çdo gjë.
🍪 4. Gatuani bashkë – edhe receta të thjeshta
Fëmijët e adhurojnë kuzhinën, sidomos gjatë festave. Nuk ka rëndësi perfeksioni, rëndësi ka momenti.
- bëni biskota të thjeshta
- dekoroni bashkë ëmbëlsira
- lejojini të ndihmojnë, edhe nëse bëhet rrëmujë
Ata do të ndihen pjesë e festës dhe do të mësojnë të krijojnë, jo vetëm të presin.
🎶 5. Shtëpia plot muzikë, buzëqeshje dhe lojë
Atmosfera festive nuk blihet – krijohet.
- dëgjoni muzikë festive
- vallëzoni në shtëpi
- bëni lojëra familjare
- organizoni një “mbrëmje festive” brenda në shtëpi
Fëmijët duan të shohin prindërit të lumtur – kjo është magjia e tyre më e madhe.
💬 6. Flisni me ta për kuptimin e vërtetë të festave
Fëmijët duhet të mësojnë se festat nuk janë vetëm dhurata, por: mirënjohje,familje,dashuri,kohë së bashku
Tregojuni histori, tradita dhe vlera që i mbajnë njerëzit bashkë.