Tom Cruise ia ka dalë që më në fund të marrë çmimin e tij Oscar.
“Të luaj filma s’është ajo që bëj, është ajo që jam”, tha 63-vjeçari në Governors Awards. Ai ishte i përmbajtur si gjithnjë, por në ato momente dukej në prag të shpërthimit në lot teksa shtrëngonte statujën e artë që nderon më shumë se 40 vite për të në indutrinë e filmit.
“Në atë kinema ne qeshim bashkë, ndiejmë bashkë, shpresojmë bashkë”, tha ai pas dy minutave duartrokitje.
Dizajneri i produksionit, Wynn Thomas dhe koreografja e aktorja Debbie Allen u zgjodh gjithashtu nga bordi i guvernatorëve të akademisë që të nderoheshin për karrierat e tyre, kurse Dolly Parton, e cila nuk ishte e pranishme, u nderua për filantropi.
Çmimet Oscar e kanë anashkaluar Cruise, edhe pse është nominuar katër herë: tri herë si aktor në filmat “Born on the Fourth of July”, “Jerry Maguire” dhe “Magnolia” dhe një herë si producent në “Top Gun: Maverick.”
Para se ai të ngjitej në skenë, për publikun u shfaq një video me pjesë të shkëputura nga këta filma, por edhe të tjerë, bashkë me akrobacitë e frikshme që ai shpesh i ka bërë vetë, pa përdorur dublant.
Governors Awards nuk transmetohet në televizion dhe as Cruise nuk e pëlqen pasi ka qenë gjithnjë mbrojtës i kinemave.
“Do të bëj gjithmonë gjithçka mundem që të ndihmoj këtë formë arti. Për të mbështetur zërat e rinj, për të mbrojtur atë që e bën kinemanë të fuqishme. Shpresoj ta bëj pa thyer më shumë kocka.”
Tom iu dorëzua çmimi nga regjisori Alejandro González Iñárritu. Të dy kanë kaluar disa muaj duke xhiruar një film në Londër që pritet të dalë në vitin 2026. Bashkëpunimi nënkupton se Cruise ndoshta ende nuk ka hequr dorë nga të fituarit e një Academy Awards sipas metodës së vjetër