Në një rrëfim që surprizoi skenën muzikore, reperi i njohur G‑Bani ka bërë deklarata të papritura dhe mjaft të forta për disa nga artistët më të famshëm shqiptarë.
Në emisionin “Më prit të dielën”, ai sqaroi vendimin e tij për të tërhequr veten nga festivali Kënga Magjike, duke thënë se vendosi të mos vijë për të ruajtur ‘energjinë e mirë’ dhe për të mos bërë ‘promos’ me nxitim.
Në pjesën më surprizuese, agjenti virtual i inteligjencës artificiale, gjeneroi një skenë imagjinare ku G-Bani ndodhej në ashensor me disa figura të njohura të muzikës hip hop.
Pyetja ishte e qartë: si do të sillej me ta?
Për Noizyn, ai u shpreh me tone të forta:
“Është i pabesë. Do më kishte gjuajtur i pari, edhe unë për t’u mbrojtur. Nuk e di kush do fitonte, ndoshta ai se është më i stërvitur… por është i pabesë.”
Ndërsa për MC Kreshën, G-Bani nuk kurseu kritikat:
“Është artist i mbivlerësuar. Duhet ta kuptojë që nuk është më i miri në estradë.”
Edhe për Getoarin, ai dha një koment të prerë:
“Është djalë i keq, shumë i keq.”