Pas mbylljes së procesit të votimit për zgjedhjet parlamentare të 11 majit në orën 19:00 dhe dorëzimit të kutive të votimit në qendrat e numërimit në mbarë vendin, ka nisur numërimi. Siç raportojnë gazetarët e News24, materialet zgjedhore janë shoqëruar nga forca të policisë të cilat janë angazhuar për mbarëvajtjen e procesit zgjedhor.
Pusteci, bashkia më e vogël e qarkut nisi numërimin e para dhe ishte po e para që nxori rezultatet e zgjedhjeve në këtë bashki.
Ndërkohë, nga rezultati i bërë publik nga numërimi i 6 kutive të para të Bashkisë së Vorës, koalicioni PD-ASHM është në avantazh me 21 vota ndaj PS.
10:32– Përfundon procesi i numërimit në Tepelenë, fiton Partia Socialiste me 3.214 vota
Ka përfunduar procesi i numërimit të votave në bashkinë e Tepelenës, ku rezultati final ka nxjerrë fituese Partinë Socialiste me një diferencë të ndjeshme ndaj forcave të tjera politike.
Sipas të dhënave të siguruara nga gazetarja Brikena Metaj, rezultatet janë si më poshtë:
- Partia Socialiste (PS): 3,214 vota
- Partia Demokratike – Aleanca për Shqipërinë Madhështore (PD-ASHM): 1,003 vota
- Koalicioni “Nisma Shqipëria Bëhet”: 149 vota
- Partia Mundësia: 84 vota
- Partia Socialdemokrate (PSD): 130 vota
10:00– Rezultati paraprak/ PS merr 83 mandate, PD-ASHM 51 deputetë! Ja si do të duket konfigurimi i Parlamentit të ri nëse vijon e njëjti trend votash
Shqipëria votoi ditën e djeshme për deputetët që do përfaqësojnë qytetarët në Parlament. Deri tani, Partia Socialiste ka marrë 223.823 vota në total, ose 83 mandate në Kuvend.
Partia Demokratike ka arritur të marrë 145.672 vota në rang kombëtar, ose 51 mandate. Në vendin e tretë është Partia Social-Demokrate, që ka arritur të marrë deri tashmë 16.240 vota ose 3 mandate.
Nisma Shqipëria bëhet ka marrë në rang vendi 14.587 vota ose 1 mandat. Partia Mundësia gjithashtu ka marrë 11.049 vota ose 1 mandat. Lëvizja Bashkë ka marrë në total 5255 vota ose 1 mandat në parlament.
09:42– Numërohen 157 nga 587 kuti në Fier/ Kryeson PS me mbi 63% të votave, ndiqet nga PD, Nisma Shqipëria forca e tretë
Në qarkun e Fierit, janë numëruar deri tani 157 nga 587 kuti.
Sipas rezultateve të deritanishme, Partia Socialiste e Shqipërisë kryeson me 25836 vota, pra 63.39 %, e ndjekur nga koalicioni Partia Demokratike – Aleanca për Shqipërinë Madhështore (PD-ASHM) ka siguruar 10244, pra 25.13 %.
Forcë e tretë renditet deri tani Koalicioni Nisma Shqipëria Bëhet me 1691 vota (4.15 %).
09:41- Qarku Dibër/ PS kryeson me 58.78 përqind të votave, ASHM 36.88 përqind
Në qarkun e Dibrës, janë numëruar deri tani 71 kuti nga 222 të tilla në total.
Nga kutitë e numëruara, Partia Socialiste kryeson me 58.78 përqind.
Më pas, ndjek Aleanca për Shqipërinë Madhështore me 36.88 përqind.
Koalicioni Nisma Shqipëria bëhet ka arritur të marrë 1.11 përqind të votave.
09:27– Në shkollën “1 Maji” në Tiranë nuk numërohet në 4 tavolina! Zv kryetari i KZAZ: Janë larguar numëruesit e PD-së, ja sa vota ka marrë çdo subjekt politik
Procesi i numërimit në KZAZ nr. 31, në ambientet e shkollës “1 Maji” në Tiranë, është ndërprerë në katër tavolina për shkak të largimit të numëruesve të Partisë Demokratike.
Zv.kryetari i KZAZ-së, përfaqësues i Partisë Socialiste, deklaroi për News 24 se përfaqësuesit e PD janë larguar pasi janë ndier të lodhur dhe nuk janë zëvendësuar deri tani. Si pasojë, numërimi po vijon me vetëm dy numërues – një nga PS dhe një nga PSD – në përputhje me vendimin e KQZ-së.
Deri më tani janë numëruar 17 kuti, ku Partia Socialiste kryeson me 3754 vota, ndjekur nga ASHM me 1924 vota, ndërsa partitë e tjera kanë marrë rezultate më modeste.
“Janë larguar numëruesit e PD-së. Ata kanë thënë se janë të lodhur dhe nuk janë zëvendësuar nga të tjerët. Ata punuan deri në orën 07:00 dhe u larguan, thanë se nuk punojnë dot më. Njoftuam për të sjellë numëruesit e tjerë këtu në KZAZ 31 dhe akoma nuk kanë ardhur. Sipas Kodit Zgjedhor, në këto kushte, do punohet me dy numërues, një subjekt i PS dhe një i PSD. Është e lodhshme, por kemi vendim të KQZ, që sot në darkë duhet të mbyllet vota e subjektit politik, për të vijuar me votën e kandidatit. Do presim një njoftim nga KQZ, inspektori që mbulon zonën tonë dhe vijojmë punën. Kemi numëruar 17 kuti. ASHM në 17 kuti ka marrë 1924 vota, Lëvizja Bashkë 167 vota, Lëvizja Atdheu 15 vota, Partia Koalicioni Euro-Atlantik 84 vota, PS 3754 vota, Nisma Shqipëria bëhet 260 vota, Mundësia 328 vota dhe PSD 304 vota”, tha ai.
09:14– Numërohen 69 nga 139 kuti në Kukës/ PD kryeson ndaj PS, siguron 52.62% të votave
Një qarkun e Kukësit janë numëruar 69 nga 139 kuti.
Partia Demokratike- Aleanca për Shqipërinë Madhështore ka siguruar 9058 vota, ndërsa Partia Socialiste ka marrë 5426 vota.
Partia Socialdemokrate ka siguruar 2384 vota.
09:05– Skrapar/ Numërohen 19 nga 23 QV, ja sa vota ka marrë PS dhe PD
Në Bashkinë Skrapar janë përfunduar numërimet në 19 nga 23 kutitë e votimit.
Deri në këtë moment, Partia Socialiste ka siguruar 2,935 vota, ndërsa Partia Demokratike ka grumbulluar 1,373 vota.
Procesi i numërimit vijon ende për dy kuti të tjera.
PD – 1373
PS – 2935.
Ne proces numërimi 2 kuti.
08:53- Numërimi në qarkun Durrës/ PS kryeson me rreth 52%, PD-ASHM merr mbi 40%
Në qarkun e Durrësit, pas numërimit të 99 kutive të para nga 493 gjithsej, Partia Socialiste kryeson me diferencë të ndjeshme duke siguruar 14661 vota. Pas saj renditet Partia Demokratike – Aleanca për Shqipërinë Madhështore me 11540 vota.
Rezultatet sipas partive pjesëmarrëse në zgjedhje:
1. Koalicioni Partia Demokratike – Aleanca për Shqipërinë Madhështore 11540 vota-40.60 %
2. Lëvizja Bashkë 343 vota- 1.21%
3. Lëvizja Atdheu 37 vota – 0.13%
4. Partia Koalicioni Euroatlantik 217 vota – 0.76 %
5. Partia Socialiste e Shqipërisë 14.661 vota – 51.58 %
5. Koalicioni Nisma Shqipëria Bëhet 651 vota -2.29 %
6. Partia Aleanca Kombëtare Shqiptare 54 vota – 0.19%
7. Partia Aleanca Demokracia e Re 14 vota- 0.05%
8. Koalicioni Djathtas për Zhvillim 139 votë-0.49 %
9. Partia Mundësia 705 vota- 2.48 %
10. Partia Socialdemokrate 63 vota- 0.22%
08:49– Qarku Berat/ PS kryeson me 59.33 përqind, ASHM fiton 29.7 përqind. Surprizon Koalicioni ‘Nisma Shqipëria bëhet’
Komisioni Qendror i Zgjedhjeve ka përditësuar të dhënat për qarkun e Beratit.
Partia Socialiste udhëheq me 59.33 përqind të votave. Më pas vjen, ASHM me 29.7 përqind.
Suprizues është rezultati i koalicionit “Nisma Shqipëria bëhet”, që ka marrë 6.57 përqind.
Partia Mundësia ka arritur të marrë 1.77 përqind të votave, ndërsa Lëvizja Bashkë 1.05 përqind.
08:45- Numërohen 127 nga 405 kuti në Shkodër, PD kryeson e ndjekur nga PS, PSD forcë e tretë
Në qarkun e Shkodrës, deri tani janë numëruar 127 nga 405 kutitë e votimit. Sipas rezultateve të deritanishme, Koalicioni Partia Demokratike – Aleanca për Shqipërinë Madhështore kryeson me 12.066 vota, që përbën 40.96% të totalit.
Partia Socialiste e Shqipërisë ka marrë 10.365 vota, ose 35.19%, duke pasuar PD-në. Pjesa tjetër e partive ka marrë mbështetje më të vogël, me Partinë Socialdemokrate që ka siguruar 5572 vota (18.92%) dhe Koalicionin Nisma Shqipëria Bëhet me 419 vota (1.42%).
Lëvizja Bashkë ka marrë 139 vota (0.47%), ndërsa Lëvizja Atdheu ka marrë vetëm 25 vota (0.08%). Pjesa tjetër e partive ka siguruar mbështetje edhe më të vogël, duke përfshirë Aleancën Kombëtare Shqiptare me 1 votë (0.11%) dhe Partinë Aleanca Demokracia e Re, që ka marrë 9 vota.
08:36– Numërohen 163 nga 449 kuti votimi në qarkun e Vlorës, PS kryeson, grumbullon 18.327 vota
Në qarkun e Vlorës, janë numëruar deri tani 163 nga 449 qendrat e votimit. Sipas rezultateve të deritanishme, Partia Socialiste e Shqipërisë (PS) kryeson me 18.327 vota, që përbën 57.56% të totalit. Koalicioni Partia Demokratike – Aleanca për Shqipërinë Madhështore (PD-ASHM) ndjek me 9.162 vota, ose 28.78%.
Koalicioni Nisma Shqipëria Bëhet ka marrë 1881 vota, që përbën 5.91% të totalit, ndërsa Partia Mundësia ka marrë 1198 vota (3.76%). Lëvizja Bashkë ka siguruar 297 vota (0.93%), dhe Lëvizja Atdheu ka marrë 35 vota (0.11%).
Partitë e tjera kanë marrë përqindje më të vogla, me Partinë Koalicioni Euroatlantik që ka marrë 158 vota (0.50%), Partinë Aleanca Kombëtare Shqiptare me 96 vota (0.30%), dhe Partinë Socialdemokrate me 577 vota (1.81%). Partia Aleanca Demokracia e Re ka marrë 32 vota (0.10%), ndërsa Koalicioni Djathtas për Zhvillim ka marrë 77 vota (0.24%).
08:25– Në Elbasan numërohen 159 nga 506 kuti/ PS në krye të renditjes, ndiqet nga PD-ASHM, Shqipëria Bëhet e treta
Në qarkun e Elbasanit janë numëruar deri tani 159 nga 508 qendra votimi. Sipas rezultateve të deritanishme, Partia Socialiste e Shqipërisë (PS) kryeson me 25.346 vota, që përbën 60.93% të totalit. Koalicioni Partia Demokratike – Aleanca për Shqipërinë Madhështore (PD-ASHM) ndjek me 12.130 vota, ose 29.16%.
Partitë e tjera kanë marrë mbështetje më të vogël, me Koalicionin Nisma Shqipëria Bëhet që ka siguruar 1316 vota (3.16%) dhe Partinë Mundësia me 902 vota (2.17%). Partia Koalicioni Euroatlantik ka marrë 834 vota (2.00%).
Pjesa tjetër e partive ka marrë përqindje të vogla, ku Lëvizja Bashkë ka marrë 342 vota (0.82%), Koalicioni Djathtas për Zhvillim ka marrë 99 vota (0.24%), dhe Partia Socialdemokrate ka marrë 488 vota (1.17%). Lëvizja Atdheu ka marrë 48 vota (0.12 %), ndërsa Partia Aleanca Kombëtare Shqiptare ka marrë 69 vota (0.17%), dhe Partia Aleanca Demokracia e Re ka marrë vetëm 27 vota (0.06%).
08:16– Gjirokastër/ PS renditet e para pas numërimit të 110 QV-ve nga 198, PD siguron rreth 5.800 vota
Në qarkun e Gjirokastrës, janë numëruar deri tani 110 nga 198 QV, dhe sipas rezultateve të deritanishme, Partia Socialiste e Shqipërisë (PS) kryeson me 13.238 vota, që përbën 63.99% të totalit. Koalicioni Partia Demokratike – Aleanca për Shqipërinë Madhështore (PD-ASHM) ndjek me 5.843 vota, ose 28.25 %.
Partitë e tjera kanë marrë mbështetje më të vogël, me Koalicionin Nisma Shqipëria Bëhet që ka siguruar 659 vota (3.19%), Partinë Mundësia me 288 vota (1.39 %), dhe Lëvizjen Bashkë me 193 vota (0.93%).
Pjesa tjetër e partive ka marrë përqindje të vogla, me Lëvizjen Atdheu dhe Koalicionin Djathtas për Zhvillim që kanë marrë 0.15% dhe 0.32% respektivisht. Partia Aleanca Kombëtare Shqiptare ka marrë 0.13%, ndërsa Partia Aleanca Demokracia e Re ka marrë 0.08%.
08:10– Qarku Korçë/ PS kryeson me mbi 55% të votave pas numërimit të 164 kutive, ndjek PD-ASHM me rreth 34.5%
Në qarkun e Korçës, deri tani janë numëruar 164 nga 422 qendrat e votimit.
Sipas rezultateve të deritanishme, Partia Socialiste e Shqipërisë (PS) kryeson me 22.247 vota, që përbën 55.06 % të totalit. Koalicioni Partia Demokratike – Aleanca për Shqipërinë Madhështore (PD-ASHM) ndodhet në vendin e dytë me 13.920 vota, ose 34.45 %.
Partitë e tjera kanë marrë mbështetje më të vogël, me Koalicionin Nisma Shqipëria Bëhet që ka siguruar 1506 vota (3.73 %) dhe Partinë Socialdemokrate që ka marrë 1049 vota (2.60 %). Partia Mundësia ka marrë 850 vota (2.10%).
Lëvizja Bashkë ka siguruar 340 vota (0.84%), ndërsa Koalicioni Euroatlantik ka marrë 288 vota (0.71%). Partia Aleanca Kombëtare Shqiptare dhe Koalicioni Djathtas për Zhvillim kanë marrë respektivisht 54 vota (0.13%) dhe 73 vota (0.18%).
Lëvizja Atdheu dhe Partia Aleanca Demokracia e Re kanë marrë përqindje të vogla, me 0.11 % dhe 0.07% përkatësisht.