Këngëtari i njohur Young Zerka së shpejti do të bëhet baba, duke sjellë një gëzim të madh në jetën e tij dhe të partneres së tij, Iliana Trebicka. Lajmin emocionues e ka ndarë vetë Iliana përmes një postimi në Instagram, ku ka postuar disa foto të bukura me barkun e saj të rrumbullakosur.
Në përshkrimin e fotos, Iliana ka zbuluar gjithashtu gjininë e bebes që po presin me padurim. Çifti do të mirëpresë një djalë, dhe për të shprehur këtë gëzim të madh, ajo ka shkruar: “strike a pose baby boy”.
Iliana dhe Young Zerka janë në një lidhje prej kohësh dhe ardhja e një fëmije do të plotësojë më tej lumturinë e tyre. Ata kanë ndarë shpesh momente të veçanta të lidhjes së tyre me ndjekësit, por ky lajm i fundit ka sjellë një emocion të veçantë.