Autoritetet braziliane thanë të hënën se ylli i futbollit Neymar u gjobit me 16 milionë reai (3.33 milionë dollarë) për shkeljen e rregullave mjedisore gjatë ndërtimit të rezidencës së tij bregdetare në Brazilin juglindor.
Projekti luksoz shkeli rregullat në lidhje me përdorimin dhe lëvizjen e burimeve të ujërave të ëmbla, shkëmbinjve dhe rërës, pretenduan fillimisht autoritetet lokale në fund të muajit të kaluar dhe konfirmuan të hënën.
Një zëdhënës i Neymar refuzoi të komentojë mbi këtë çështje.
Rezidenca e tij ndodhet në qytetin Mangaratiba në bregun jugor të shtetit Rio de Zhaneiro të Brazilit.
Organi mjedisor i Mangaratiba tha në një deklaratë të hënën se shkelje mjedisore u bënë “në ndërtimin e një liqeni artificial në rezidencë”.
Përveç gjobës, çështja do të hetohet nga Prokuroria e Përgjithshme vendore, Policia Civile e Shtetit dhe zyra e mbrojtjes së mjedisit, ndër organe të tjera të kontrollit të mjedisit.
Burimi i artikullit:https://edition.cnn.com/2023/07/04/sport/neymar-brazil-environmental-fined-spt-intl/index.html
Burimi i fotos:https://www.instagram.com/p/CuAxYmcOIdk/